Учууталларбыт иллэҥ кэмҥэ дьарыктара

Кулун тутар 7 күнүгэр гимназиябытыгар Аан дойду дьахталларын күнүнэн сэргэх тэрээһин буолан ааста. Ол курдук, ааҕар саалаҕа биһиги учууталларбыт иллэҥ кэмнэригэр тугунан дьарыктаналларын аҕалан көрдөрдүлэр, билиһиннэрдилэр. Манна дьэрэкээн оҕуруонан тиһиллибит араас сабынан быысапкаламмыт, уруһуйдаммыт көрүөхтэн кэрэ хартыыналар, тэттик кинигэчээннэр, Аан дойду норуоттарын куукулаларын, аанньалларын, уруучукаларын коллекциялара, баайыы таҥас, саахымат  көбүөр арааһа учууталлар, үөрэнээччилэр сэҥээриилэрин, биһирэбиллэрин ылла. 

С 23 февраля по 23 марта 2017 года в рамках проекта «Страна читающая» проводится сбор конкурсных работ — творческих видеороликов — для участия в конкурсе «Читаем Тютчева».

Итоги конкурса будут подведены в марте 2017 года.

Кинигэ - билии төрдө

 Гимназиябытыгар төрөппүт комитета уонна информационнай киин-медиатека көҕүлээһининэн, лингвист С. А. Новгородов төрөөбүтэ 125 уонна бастакы саха Букубаара 100 сылыгар анаан, «Кинигэ - билии  төрдө» диэн 1-7 кылаастарга бэйэ айбыт айымньытыгар төрөппүтүн кытта көмөлөөн кинигэ оҥоруутун күрэҕэ буолан ааста. 

 Үөрэнээччилэр төрөппүттэрин кытта  сонун ис хоһоонноох айымньылары, араас матырыйаалтан сиэдэрэй оҥоһуулаах кинигэлэри бэлэмнээн аҕалбыттар. Уопсайа 52 үлэ киирдэ. Оҕолор айылҕа кэрэ көстүүтүн, истиҥ доҕор, алыптаах түүл  туһунан хоһоон, остуоруйа, кэпсээн айбыттар. 

  Кыайыылаахтарынан Шкулев Костя (2 б) "Баҕа санаа туолуута", Дягилева Айыына (3 а) "Айыына остуоруйа дойдутугар сырыылара", Филиппов Валентин (3 б) "Эрилик" буоллулар. Нахчаемова Нарыйаана (2а), Прохорова Диана (2а), Оросина Айыы-Куо (2б), Сидоров Толя (2б), Ылахова Кира (3а), Егорова Айыына (3б), Куличкина Лида (4а), Федорова Сайаана (6б) уонна 1 "а" кылаас коллектива бөлөҕүнэн үлэтэ анал аакка тигистилэр. "Саамай көхтөөх кылаас" - 3 "а" кылаас (кылаас салайааччыта Максимова Н.М.) буолла.

Олунньу 13 күнэ – төрөөбүт тыл күнэ

Дьокуускай куораттааҕы национальнай гимназияҕа сахабыт тылын уруйдуур, айхаллыыр тэрээһин өрөбүл күн Саха тыйаатырыгар испэктээкилгэ сылдьыыттан саҕаламмыта.

Олунньу 13 күнүгэр, С.А. Новгородов 125, саха букубаара 100 сылынан, алгыстаах алаадьынан кэлбит үөрэнээчилэри, учууталлары, төрөппүттэри айах тутан көрүстүлэр. Бу күн хас сынньалаҥ ахсын араадьыйанан сахалыы хомоҕой хоһооннору үрдүкү сүһүөх үөрэнээччилэрэ аахтылар. Маны таһынан төрөппүттэр, учууталлар, үөрэнээччилэр тыл туһунан дьыктаан суруйдулар.

Нэдиэлэ устата библиотечнай уруоктар ыытылла тураллар, оҕолор бэйэлэрин айымньыларын төрөппүттэрин кытта кинигэ оҥорон күрэххэ кытталлар.

Практикалана сылдьар Культура колледжын устудьуоннара хас киэһэ аайы олоҥхо түһүлгэтин тэрийэн ыыталлар.

Декада иһинэн эдэр олоҥхоһут, чинчийэр институт үлэһитэ, ХИФУ аспирана Юрий Борисов олоҥхо киэҥ эйгэтигэр олунньу 16 күнүгэр үөрэнээччилэри түмтэ. 

Тэрээһин түгэннэриттэн сиһилии фотогалереяҕа киирэн көр.

"Көтүөххэ үрдүккэ хотойдуу" уоланнар ааҕыылара

Болҕойуҥ, КОНКУРС! 

Россияҕа Экология, Саха сиригэр Ыччат сылыгар аналлаах XII республикатааҕы "Көтүөххэ үрдүккэ хотойдуу" уоланнар ааҕыылара

Буолар кэмэ: кулун тутар 25 күнэ 

Буолар сирэ: П.А. Ойуунускай аатынан литературнай музей

Тэрийээччилэр: СР үөрэххэ уонна билимҥэ Министерствотын эбии үөрэхтээһин уонна оҕо тэрилтэтин сайдыытын республикатааҕы киинэ, П.А. Ойуунускай аатынан литературнай музей, Д.П. Коркин аатынан ЧРОСОЭИО,  Саха сирин суруйааччыларын Сойууһа, Чурапчы улууһун үөрэҕин салалтата, "Кэскил" хаһыат редакцията

Сыала-соруга:  1.Саха норуота сүппэт-симэлийбэт литературатын дириҥэтэн үөрэтии, киэн туттуу тыыныгар уһуйуу. 

2. Ийэ тыл күүһүн, баайын, кэрэтин уолаттарга иҥэрии. 

3. Уол оҕо тылын байытыы, айымньылаахтык ааҕар кыаҕын арыйыы, дьон иннигэр саҥарар дьоҕурун сайыннарыы. 

Хайысхалара: 

1. "Киэн туттабын ытык дьоммунан" /2017 сылга үбүлүөйдээх саха норуотун чулуу уолаттарын туһунан дьүһүйүү/ 

2. "Алааскар эн мас үүннэрэн хааллардаххына..." /100 сыллаах үбүлүөйдээх саха народнай суруйааччылара Семен Данилов, Петр Тобуруокап, буойун-суруйааччы Алексей Бродников айымньыларынан дьүһүйүү/ 

Кыттааччылар: VI-XI кылаас уолаттара. 

Уратыта: кыттыы бөлөҕүнэн (7-8 оҕоттон итэҕэһэ суох буолуохтаах) 

Ааҕыы ис хоһооно. Бөлөх талбыт хайысхатыгар ыйыллыбыт темаларга 5-7 мүнүүтэ уһуннаах дьүһүйүүнэн кыттар. Дьүһүйүү  презентациялаах буолара ирдэнэр. Бөлөх ханнык хайысхаҕа кыттарын бэйэтэ талар. 

Сайаапка: электроннай аадырыс: yqlmo@mail.ru Билсэр тел. 89141081789 Халгаева Нюргуяна Викторовна. 

Учууталларга куонкурус: "Көтүөххэ үрдүккэ хотойдуу" XII республикатааҕы уоланнар ааҕыыларын "Киэн туттабын ытык дьоммунан", "Алааскар эн мас үүннэрэн хааллардаххына..." хайысхаларын тематыгар дьүһүйүү (композиция) сценарийдарын кулун тутар 10 күнүгэр дылы akulinanikolaevna@bk.ru электроннай почтаҕа ыытаҕыт. Дьүүллүүр сүбэ ааҕыы иннинэ түмүк таһаарар. 

Билсэр тел.  34-45-16 - Республикатааҕы эбии үөрэхтээһин уонна оҕо тэрилтэтин сайдыытын киинэ, директоры тэрийэр үлэҕэ солб. Макарова Нюргуяна Владимировна,  89142962130 - бырайыак автора ЧРОСОЭИО учуутала Кузьмина Акулина Николаевна.

Олунньу 13 күнэ - төрөөбүт тыл, сурук-бичик күнэ

Олунньу 13 күнэ - төрөөбүт тыл, сурук-бичик күнэ

Стань участником онлайн-чтений

Приглашают на кастинг 10 февраля в 13.00 ч.